《調教你MIRROR》預告│Mirror成員拋低形象相擁爆喊 姜濤：出道到而家有好多誤會

ViuTV真人show《調教你MIRROR》將於6月7日晚首播，由人氣組合MIRROR加導師梁祖堯（阿祖）合力炮製。近日第三條預告片曝光，「鏡仔」大派洋蔥玩感性，成員姜濤、Jer（柳應廷）、Tiger（邱傲然）、Alton（王智德）、Ian（陳卓賢）及Anson Kong（江𤒹生）等分組擁抱，應是兄弟間互相激勵；同時見到Anson Kong、Alton及Ian感觸爆喊，似是解開心中鬱結，情緒得到大解脫！身為隊長的Lokman（楊樂文）跟阿祖真情對話，流下男兒淚，令不少鏡粉睇到心疼。

{{hket:inline-image name="06022013.jpg"}}{{/hket:inline-image}}

{{hket:inline-image name="06022008.jpg"}}{{/hket:inline-image}}

尾場淚灑九展｜MIRROR承諾進軍紅館開演唱會 姜濤期待拍處男作與毛舜筠演母子【下一頁】

《調教你MIRROR》下星期一首播，上月底已有預告片出街造勢，第一條片以阿祖跟MIRROR經理人花姐（黃慧君）在車廂對話作為序幕，花姐叫阿祖「幫手調教12個仔」，阿祖答道難度極高，之後花姐一連串大爆MIRROR的問題，包括「咁簽完佢返嚟，佢的確有好多缺點嘅」、「好多人單飛啦，佢哋會擺單飛做第一位，MIRROR做第二位」、「點呀，你可唔可以有啲上進心呀？」、「佢係優柔寡斷，發我脾氣，然後覺得我點解話佢黑面」、「其實佢哋係好幸福嘅，冇經歷過出面原來做新人咁慘」等等，雖然片段中沒有開名，鏡粉應該估到花姐所講的是誰吧！

{{hket:inline-image name="06022002.jpg"}}{{/hket:inline-image}}

{{hket:inline-image name="06022001.jpg"}}{{/hket:inline-image}}

第二條預告片主打鏡仔的心底話，眾人望住鏡頭講幾句，姜濤正經說：「由出道到而家的確有好多誤會……」Anson Lo（盧瀚霆）欲言又止，「發生咗好多嘢，街外面嘅人睇唔出……」Jeremy（李駿傑）不憤的說：「越嚟越多個人嘅工作，對於MIRROR……好似變咗part time嘅感覺！」Ian表示認同，「大家嘅passion比起以前，好似磨滅咗少少！」Frankie（陳瑞輝）搖搖頭，「嗰個同步率，自己feel到未係好一致……」Jer補充：「中間產生咗一啲唔好嘅競爭」，對話中表明兄弟間存在一些芥蒂，Edan（呂爵安）擔心有些說話「唔出得街」。

MIRROR演唱會│成員除衫曬肌派福利 姜濤驚青畏高 Do姐捱夜捧場 花姐：只畀60分【下一頁】

至於最新一條預告片，鏡仔齊齊玩感性，節目安排他們分組，再單對單擁抱，有些人感觸爆喊，表現激動地講感受。Anson Kong爆料話：「的確搵唔返以前嗰種開心﹗」Edan說：「冇MIRROR嘅話，我哋乜嘢都唔係！」姜濤表示：「真係希望MIRROR好！」Jer表示：「呢個節目可以令到我哋了解多啲對方。」Alton認為：「明知係有徒勞無功嘅可能性，但都想做！」Ian就帶點疑問，「睇大家會唔會肯行（一步）出嚟！」Lokman就對住阿祖邊喊邊講：「最近係好迷失…。」

（↓點擊放大睇圖片↓）

三條經剪輯的預告片，都是一句起、兩句止，足以引起大家關注，鏡仔真性情確有睇頭，可以讓外間更加了解他們的兄弟情，記得到時捧場嘞！

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】